EuroGroup liðið hefur stífar æfingar fyrir EM í Varna 2008

Það er ekki seinna vænna en byrja að pússa upp gömlu dansskónna því ballið er á næsta leyti og því morgunljóst að engin vill líta illa út á því. Það var því ákveðið að hafa stranga en hnitmiðaða æfingaviku fyrir mótið til að koma mönnum í rétta gírinn. Æfingaaðstaðan er til fyrirmyndar, við erum í húsnæði Skákskóla og Skáksambands Islands og æfum við bestu mögulegu aðstæður. Okkur til halds og trausts eru Björn Þorfinnsson nýkjörinn forseti skáksambandsins, Omar Salama kennari við Skákskóla Islands og Helgi Arnason skólastjóri Rimaskóla.

Hér er svo dagskráin fyrir fyrsta daginn : 

9. 6 Mánudagur

 

8:50  Mæting í Skáksamband Islands

-          Hópefli , bloggsíða hópsins stofnuð  fyrir Vinnuskóla Reykjavíkur

-          Fyrirlestra verkefni sem nemendur þurfa að  búa til á  námskeiðinu kynnt.

10:00 Verkefna vinna

-          Nemendur hefja undirbúningsvinnu á þeirri byrjun sem þau ætla að skrifa og fjalla um.

-          Til að aðstoða hafa þau aðgang að skákbókasafni skákskólans, Chessbase Megabase 2008, Rybku, DVD diskar Kasparovs um Najdorf Volume 1,2,3, Loeks Van Wely my best games in Sveshnikov, Alexei Shirovs my best games in Spanish ( öll afbrigði ) og my best games in the Najdorf ( Öll afbrigði ),

12:30 Matur

13:00-15:30 Stórmót í Vin til heiðurs Guðfríði Lilju Grétarsdóttur fyrrverandi forseta  S.I

 

Krakkarnir mættu eldhressir um morguninn vopnaðir fartölvum og hollu nesti. Eg byrjaði á að kynna fyrir þeim hvað við ætluðum að gera á námskeiðinu og hverju þau ætti að skila af sér. Við höfum hér aðgang að öllu því besta sem skákmenn geta hugsað sér.  Mjög gott skákbókasafn, nýjustu forritin og þar fram eftir götunum. Því er úr nógu að vinna þegar þau byrjuðu á verkefnavinnu sem stóð fram undir hádegi. Eftir hádegi hafði Arnar Valgeirsson formaður skákdeildar Vinjar og Rauða kross Islands óskað eftir að fá hópinn í heiðursmót tileinkað Guðfríði Lilju Grétarsdóttur fyrrverandi forseta Skáksambandsins. Því héldum við niður á Hverfisgötu eftir hádegi og tókum þátt í þessu myndarmóti henni til heiðurs. Fyrsta deginum lokið og allt gekk að óskum.

Davíð Kjartansson